இந்தியாவிற்கும் இலங்கைக்கும் இடையிலான கடந்தகால தவறான புரிதல்களைத் தவிர்ப்பதற்காக “நேர்மையாகவும் முன்முயற்சியுடனும்” செயல்படுவேன் என்று ஜனாதிபதி கோதபயா தெரிவித்துள்ளார்.
சீன முதலீடுகளுக்கு மாற்றாக இந்தியாவும் பிராந்தியத்தில் உள்ள பிற நாடுகளும் இலங்கையில் அதிக முதலீடு செய்யலாம் என்றும் ஜனாதிபதி தெரிவிக்கின்றார்.
ஜனாதிபதி கோதபய ராஜபக்ஷ இந்தியாவுக்கு இரண்டு நாள் உத்தியோகபூர்வ விஜயம் மேற்கொண்டு த இந்துவுக்கு அளித்த பேட்டியிலேயே இவ்வாறு தெரிவித்துள்ளார்.
சீனா மற்றும் பாகிஸ்தானுடனான இலங்கையின் உறவுகள் குறித்து இந்திய அதிகாரிகளுக்கு எந்த சந்தேகமும் பிரச்சினையும் இருக்கக்கூடாது என்றும் ஜனாதிபதி கூறினார்.
திருகோணமலையில் உள்ள துறைமுக மேம்பாடு மற்றும் எரிபொருள் சேமிப்பு வளாகம் தொடர்பாக 2017 ஆம் ஆண்டில் பிரதமர் ரனில் விக்கிரமசிங்கவுடன் இந்தியா கையெழுத்திட்ட புரிந்துணர்வு ஒப்பந்தம் குறித்து ஜனாதிபதி கோதபய ராஜபக்ஷவின் கருத்துக்கள் குறித்து “இந்து” விசாரித்த போது
“எங்களிடம் பல திட்டங்கள் மாற்றப்பட வேண்டும். நான் இதுவரை அனைத்து திட்டங்களையும் விரிவாக ஆய்வு செய்யவில்லை.
இலங்கைக்கு முக்கியமான அனைத்து திட்டங்களையும் விரைவுபடுத்துவதாக நான் உறுதியளிக்கிறேன், ”என்று ஜனாதிபதி கூறினார்.
ஹம்பாந்தோட்டா போன்ற மூலோபாய முக்கியத்துவம் வாய்ந்த துறைமுகத்தை குத்தகைக்கு விட முடியாது என்றும் ஜனாதிபதி தெரிவித்துள்ளார்.
