(இரா.துவாரகா)
உள்ளூராட்சி மன்றத் தேர்தலுக்கான வேட்புமனுக்களை இரத்துச் செய்வது தொடர்பான சட்டத் திருத்தங்கள் எதிர்வரும் வாரங்களில் பாராளுமன்றத்தில் சமர்ப்பிக்கப்படும் என பொதுநிர்வாக, மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபேரத்ன தெரிவித்துள்ளார்.
சட்ட வரைவுத் திணைக்களம் இந்த முயற்சியை முன்னெடுத்துச் செல்வதன் மூலம், சட்ட சீர்திருத்த செயல்முறை ஏற்கனவே நடைபெற்று வருவதாக அமைச்சகம் உறுதிப்படுத்தியது.
அமைச்சக வட்டாரங்களின்படி, முன்மொழியப்பட்ட மாற்றங்கள் 2022 க்குப் பிறகு வாக்காளர் பட்டியலில் இணைந்த சுமார் ஒரு மில்லியன் புதிய வாக்காளர்கள் தங்கள் வாக்குரிமையைப் பயன்படுத்த உதவும்.
உள்ளூராட்சி மன்றத் தேர்தலுக்கான வேட்புமனுக்கள் 340 உள்ளூராட்சி நிறுவனங்களில் 8,711 பிரதிநிதிகளைத் தெரிவு செய்வதற்காக கடந்த ஆண்டு ஏப்ரல் மாதம் கோரப்பட்டன. இதில் 24 மாநகர சபைகள், 41 நகர சபைகள் மற்றும் 275 பிராந்திய சபைகள் அடங்கும். அரசியல் கட்சிகள் மற்றும் சுயேச்சைக் குழுக்களைச் சேர்ந்த 80,672 பேர் வேட்புமனு தாக்கல் செய்துள்ளனர்.
பரிந்துரைக்கப்பட்டவர்களில், கிட்டத்தட்ட 3,000 அரசு ஊழியர்கள் உள்ளனர். எவ்வாறாயினும், பரிந்துரைக்கப்பட்ட வேட்பாளர்களில் சுமார் 8,000 பேர் வேட்புமனு தாக்கல் செய்யப்பட்டதிலிருந்து புலம்பெயர்ந்து அல்லது இறந்துவிட்டனர் என்று அமைச்சக வட்டாரங்கள் தெரிவித்தன.
இந்தத் திருத்தங்கள் இந்த முரண்பாடுகளை நிவர்த்தி செய்வதையும், தேர்தல் செயல்முறையை நெறிப்படுத்துவதையும் நோக்கமாகக் கொண்டு, ஜனநாயகச் செயல்பாட்டில் பங்கேற்க தகுதியுள்ள அனைத்து வாக்காளர்களுக்கும் நியாயமான வாய்ப்பை உறுதி செய்கிறது எனவும் தெரிவிக்கப்படுகிறது.
