பட்டிருப்பு கல்வி வலயத்திற்குட்பட்ட பெரிய கல்லாறு உதயபுரம் தமிழ் வித்தியாலயத்தில் மாணவர் தலைவர்களுக்கான சின்னம் சூட்டுதல் மற்றும் இணைப்பாடவிதானச் செயற்பாடுகளில் சாதனையினை நிலைநாட்டிய மாணவர்களை கெளரவிக்கும் நிகழ்வு வியாழக்கிழமை (14 ) காலை வித்தியாலயத்தின் முதல்வர் தங்கராசா சசிகாந்தன் தலைமையில் பாடசாலை ஒன்று கூடல் மண்டபத்தில் நடை பெற்றது.
நிகழ்வில் பட்டிருப்பு வலயக் கல்விப்பணிப்பாளர் எஸ்.சிறிதரன் பிரதம அதிதியாகக் கலந்து சிறப்பித்ததுடன் பாடசாலையின் முன்னாள் அதிபர் சி.சசிதரன், பாடசாலை அபிவிருத்திச் சங்கச் செயலாளர் எஸ்.கணேசலிங்கம் உட்பட ஆசிரியர்கள் ,மாணவர்கள் எனப்பலரும் கலந்து கொண்டனர்.
இதன் போது மாணவர் தலைவர்களுக்கு அதிதியின் கரங்களினால் சின்னம் அணிவிக்கப்பட்டு இணைப்பாட விதானச் செயற்பாடுகளில் சாதனை படைத்த மாணவர்களுக்கான பரிசுப் பொருட்களும் வழங்கி வைக்கப்பட்டமை குறிப்பிடத்தக்கது.
