(கனகராசா சரவணன்)
மட்டக்களப்பில் சுதந்திர தினத்தை எதிர்த்து ஆர்பாட்டத்தில் ஈடுபடவுள்ள இன்னால் முன்னால் நாடாளுமன்ற உறுப்பினர்கள் மற்றும் கட்சிகளின் அமைப்பாளர் சமூக செயற்பாட்டளாகள் 17 பேருக்கு நீதிமன்றம் இன்று சனிக்கிழமை (03) பிறப்பிக்கப்பட்ட தடை உத்தரவை பொலிசார் இரவு இரவா உரியவர்களின் வீடுகளுக்கு சென்று வழங்கியுள்ளனர்.
இலங்கையின் 76 ஆவது சுதந்திர தினமான நாளை பெப்பிரவரி நாடு பூராகவும் கொண்டாவுள்ள நிலையில் வடக்கு கிழக்கில் அதனை கரிநாளாக பிரகடனப்படுத்தி அன்றையதினம் வடகிழக்கு பல்கலைக்கழக மாணவர்கள் வடக்கிலும் கிழக்கிலும் பாரிய ஆர்பாட்ட பேரணிக்கு ஏற்பாடு செய்திருந்தனர் இதற்கு வலிந்து காணாமல் போன உறவுகளின் சங்கங்கள் மற்றும் சில அரசியல்கட்சிகள் ஆதரவு வழங்குவதாக அறிவித்தனர்.
இந்த நிலையில் மட்டக்களப்பில் கல்லடி பாலத்தில் இருந்து காந்தி பூங்கா வரையில் ஆர்பாட்ட பேரணி இடம்பெற இருந்துள்ள நிலையில் மட்டு வெபர் மைதானத்தில் சுதந்திர தின விழா இடம்பெறவுள்ளதையடுத்து இந்த ஆர்ப்பாட்ட பேரணிக்கு முன்னின்று செயற்படும் இன்னால் முன்னால் நாடாளுமன்ற உறுப்பினர்கள் தமிழ் தேசிய மக்கள் முன்னணி தேசிய அமைப்பாளர் மற்றும் சமூகசெயற்பாட்டளர்கள் 17 பேருக்கு எதிராக பொலிசார் மட்டக்களப்பு நீதவான் நீதிமன்றில் தடை உத்தரவு கோரியதையடுத்து அவர்கள் ஆர்பாட்டத்தில் ஈடுபடுவதற்கு நீதிமன்றம் தடை உத்தரவு கட்டளை ஒன்றை இன்று பிறப்பித்தது
இந்த தடை உத்தரவை பெற்ற பொலிசார் குறித்த 17 பேரின் வீடுகளுக்கு இரவு இரவாக சென்று நித்திரையில் இருந்தவர்களை தட்டியெழுப்பி தடை உத்தரவை வழங்கியுள்ளனர்.
